NAGAMEI GAAN 39 TUANG ROU-RUH ENGLAND KHOU RUAI NAGALAND PHUNG GUANG DAT PUNI THE

Tamenglong Times, 12 November 2026 (Thu) London Nov. 11

Tamenglong Times (Facebook Group)

Nagamei gaan 39 tuang rou-ruh (ancestral remains) ta Oxford University Council ruai November 9, 2026 nung formal suna Nagamei nun khang nsin lou dat kan the. Nagamei rou-ruh nsin loumei duann khou tei hem thau loumei tei Forum for Naga Reconciliation (FNR) lev Naga Tribe Hoho (NTH) kazauh lou kan e.

Nagamei rou-ruh ta Pitt Rivers Museums khou tingkum phai (century) mbu lou bam tuang nge, kumma repatriation process tei 2020 khou tei ruai ka houh tuang nge. Nsin loumei form tei Museum jat thaeng ruai Professor Laura Van Brokekhoven, kumma FNR zat thaeng ruai Rev. Dr. Wati Aier ruai su lou kan e. 

Ceremony khou tei traditional khuann kauhmei ‘Langhon Langpheng Ngao’ ta kauy kanne. University Vice Chancellor Profesor Irene Tracey ruai kamung ta historic sumei khatni Oxford le Nagamei kak khou kariang gaimei the khatni kwak lou kareemei, healing khatni nchu-njaenghmei duann the tu kanne.

FNR meikhin Professor Visier Sanyu ruai saa kanmei kiuthu British Colonial Forces ruai Naga namm ta su kasii lou tuang nge kumma kwakloumei ruai cham-riang tii gai lou the tuna ndauh kanne. (NT)

Adapted from The Tamenglong Times (facebook)